شعر الصفراني

هدا الشعر منقول عن احد شعراء منطقة وادي كعام الدي يتحدث فيه عن عواقب الطمع والربا بعنوان
( ناس واجدة تعبت خبرها جاني)
خبرها جاني متليعة ياخوي من الصفراني # ناس واجدة تعبت خبرها جاني
ناس عديدة متليعة كيف الولد كي سيده # والكف راهو حصلوه اكيدة كل واحد منهم كامدة جواني #يستاهل مشي سلم افلوسة بيده #طماع والي مهبعة شيطاني#وفي من عطا تامين دم اوليدة #ونسي يوم يصبح فيه كيفه فاني#وفي من عطا تيوتا الوحش جديدة# ويرجى في مكسبها بيشري تاني #ونسي ربنا رزاق كل عبيدة# وساوى عدل بين البهم والجاني #خبرها جاني متليعة ياخوي من الصفراني # ناس اكثار سحبهم طمع النفس ياحضار # عالصيفرو هدو اكبار اصغار يزاحمو كالشاب كالشيباني# وفيهم من عطى هونداي شبه اصفار ومتشي وشوفرليت صنع الماني# وفيهم من عطى ياخوي بالجرار وفيهم من عطي ارضة وزاد مباني وفيهم من عطى ليبي مع الدولار# فلوس واجدة تصعب على العداني #وكروت ليبيانا مع المدار# يبي ينغنى لكن اصبح يعاني #ومازال عندي ياصحاب اشعار# ومازال عندي للكلام معاني #ولكن كلامي قلت باختصار# في حالة الطماع والصفراني# وصلو عليه المصطفى المختار# شفيع امته من الهول والنيراني #

اللهم صلي و سلم علي الحبيب المصطفى
صحيت عالكلمات الحلوة المختارة للصيفرو لي خله الناس تعاني بجد واكتر من هكي خله الدين بين الناس و المشاكل

شعر مش عادي
ربنا يفتح عليهم ها الشعب اللي مشارك مع الصفراني وكلاه